Gaur, martxoak 25, honako barazkiak izango ditugu saskian:
- Sasoiko azkeneko porruak
- Tipula sorta
- Baratxuri sorta
- Letxuga berdea
- 2 kukulu
- Azelgak
- Ilar txikiak eta babak
- Perrexila
Hilabetea: apirila 2016
Alternatiben Oihartzuna hurrengo larunbatean
Hurrengo larunbatean, apirilak 16, Alternatiben Oihartzuna izeneko ekitaldian ospatuko da Oiartzunen. Herritarrei alternatibak eskaintzea da egun osoko ekimen honen helburua, beste gizarte eredu bat eraikitzeko alternatibak.
Arraztaloren kasuan, parte-hartze bikoitza izango dugu. Batetik 11:00tan hasiko den azokan izango gara, bertako barazkiak saltzen, inguruko beste ekoizleekin batera. Bestetik, 13:15ean, Elikadura Burujabetzari buruzko solasaldian izango gara, eskualdeko beste proiektuetako bultzatzaileekin batera.
Zertan gabiltzan jakin nahi? Bihar duzu aukera.
Hilabeteko lehenengo osteguna izanik, elkarteko jarraipen bilera egingo dugu bihar Altzibarko egoitzan 18:30ean. Bertan landuko ditugun gaiak honakoak izango dira:
- Gipuzkoako Foru Aldundiari eskatutako diru-laguntzen berri eman.
- Alternatiben Oihartzuna apirilaren 16an Oiartzunen, azoka eta hitzaldia.
- Buru osasunari buruzko unitate didaktikoarekin egindako azken lanak.
- Kontsumo taldea: udaberri-udako antolaketa, bilera data aukeratu eta itxaron-zerrenda.
- Xanistebanetako jai-batzordea: proposamenak jaso.
- Norberak dakarrena.
Bilera irekia izango da, beraz interesa duen edonor gonbidatuta dago.
ARRAZTALO 